تــذكر دائمـــا

أرجوك أن تقرأ هذه الرساله إلى الأخير، وتأكد إنك إنت المستفيد وراح تحس براحه رهيبه ...
أكيد إنك شايف الناس هالأيام كيف قاعدين يسعون ويتفننون في طلب الرزق ... هذا راح ياخذ قرض ودخل بالأسهم، وهذاك طول يومه بمعارض السيارات، والثاني احترق وجهه بالصناعيه، وهذاك طاحت عيونه من كثر ما درس وسهر وتعلم، وهذا ما عاد شاف أهله من كثر ما يدور بالمخططات والمساهمات و و و و و...

بصراحه ما أحد يلومهم، الكل يبي رزقه يكثر وينبسط بحياته، وللأسف ان البعض هاليومين تخرج من الجامعة وجلس بالبيت مع الوالدة يطبخ ويغسل ويسب ويلعن في فلان وعلان بسبب أنه مالقى مراده في وظيفة تستر عليه وتسد حاجته.

بس فيه شغله ناس كثير جدا جدا ما فكروا فيها، حتى أكبرالعقليات الإستثماريه ماجت على بالهم إلا من رحم ربي
يقول الله سبحانه وتعالى
(فقلت استغفروا ربكم إنه كان غفارا * يرسل السماء عليكم مدرارا *
ويمددكم بأموال وبنين ويجعل لكم جنات ويجعل لكم أنهارا)


الإستغفار : يا ناس يا عالم الإستغفار سبب رئيس لأشياء حلوه في حياتنا
حاول قد ماتقدر انك ترطب لسانك بالأستغفار
لعنت فلان استغفر
أغتبت فلان استغفر
سويت منكر استغفر
رأيت منكر استغفر

لازم الاستغفار ملازمة جازمة
أشياء ياما وياما تمنيناها ..
من منا مايحب المطر ..؟
من منا مايحب المال ..؟
من منا مايحب يكون عنده أولاد وبنات..؟
من فينا ما يحب يعيش بوسط جنات وأنهار في الحياه الدنيا..؟

هذه كلها أشياء خياليه ..من جد خياليه .. وماهي صعبه ولا مستحيله على رب العالمين سبحانه ..
الله قادر إنه يحققها لنا .. بس إذا حققنا المطلوب منا .. وش المطلوب منا ...؟
مطلوب منا شي واحد وبس .. ولا أسهل منه ..

مطلوب منا {الإستغفار} والإكثار منه ..

طيب أوكي شو النتيجه ..؟
أنا أقولك النتيجه
الإستغفار سبب في نزول المطر {بإذن الله}..
وسبب في زياده الرزق بالعربي يعني زيادة المال..
وسبب في إن الواحد منا يرزق بالذريه الصالحه إن شاء الله {البنين}..
وسبب في تحول أراضينا إلى جنات وأنهار..

هذا مو كلامي ولا كلام الشيخ فلان أو المطوع فلان أو الداعيه فلان،،، لا هذا كلام الله سبحانه وتعالى
في الإكثار من الإستغفار.

(استغفرالله الذي لا إله إلا هو الحي القيوم وأتوب إليه